İrzaquliyev Cəmşid İsmayıl oğlu, daralayaz@gmail.com
Salam. Bildiyiniz kimi, ölkə Prezidentin fərmanı ilə 2001-ci ildən kənd təsərrüfatı məhsulları istehsalı ilə (kənd təsərrüfatı təyinatlı sənaye müəssisələri də daxil edilməklə) məşğul olan hüquqi və fiziki şəxslər vergilərdən (torpaq vergisi istisna olmaqla) azaddır. Bu səbəbdən də bir daha dəqiqləşdirmək istəyirəm:
N müəssisəsi kənd təsərrüfatı məhsullarının istehsalı ilə məşğuldur. Eyni zamanda da bölgələrdə yem zavodu və toxum zavodu vardır. Toxum zavodu yalnız fermerlərdən daxil olan dənli bitkilərin emalı, yem zavodu da heyvandarlıq və quşçuluq üçün yem istehsalı ilə məşğuldur. Quşçuluq quş istehsalı ilə, soyuducu anbarlar kənd təsərrüfatı məhsulların saxlanılması ilə, balıqçılıq isə balıq yetişdirməklə məşğuldur.
Prezidentin fərmanı illə bu qabildən olan sənaye müəssisələri vergidən azaddırlar.
lütfən belədirsə bir daha təsdiq edin. Belə deyilsə fərmanın bir istinad nöqtəsini bizə göstərin ki azad deyillər. Təşəkkür edirəm.

Məlum olduğu kimi, “Kənd təsərrüfatı məhsulları istehsalçılarına müddətli vergi güzəştlərinin verilməsi haqqında” Azərbaycan Respublikasının 27 noyabr 2001-ci il tarixli Qanununa və həmin Qanunun qüvvədə olma müddətinin uzadılması barədə Azərbaycan Respublikasının 25 noyabr 2008-ci il tarixli Qanununa əsasən Azərbaycan Respublikası ərazisində kənd təsərrüfatı məhsulları istehsalı ilə məşğul olan hüquqi şəxslər 1 yanvar 2014-cü tarixədək Azərbaycan Respublikasının Vergi Məcəlləsi ilə müəyyən edilmiş hüquqi şəxslərin mənfəət vergisini, əlavə dəyər vergisini, sadələşdirilmiş sistem üzrə vergini və həmin fəaliyyət prosesində istifadə olunan obyektlərdən əmlak vergisini ödəməkdən azaddırlar.
Göründüyü kimi, qeyd olunan qanunla nəzərdə tutulan azadolmalar kənd təsərrüfatı məhsulların emalı ilə məşğul olan şəxslərə şamil olunmur.
Belə ki, kənd təsərrüfatı məhsullarının emal olunan (emala yönəldilən) hissəsindən alınan məhsulların təqdim edilməsindən əldə olunan gəlirlər vergi ödəyicisinin tətbiq etdiyi vergitutma sistemindən asılı olaraq Vergi Məcəlləsinin müddəalarına əsasən ümumi qaydada müvafiq vergilərə (mənfəət, gəlir, əmlak, ƏDV, sadələşdirilmiş) cəlb edilir.
Bununla belə, kənd təsərrüfatı məhsullarının istehsalı ilə məşğul olan (o cümlədən sənaye üsulu ilə) şəxslər digər fəaliyyət növləri ilə məşğul olduqda Azərbaycan Respublikası Vergi Məcəlləsinin müddəalarına uyğun olaraq həmin fəaliyyət üzrə müvafiq vergilərə cəlb olunurlar.
Dövlət Statistika Komitəsinin 14 noyabr 2008-ci il tarixli kollegiya qərarı ilə təsdiq edilmiş “İqtisadi fəaliyyət növləri təsnifatı”na əsasən ev quşlarının yetişdirilməsi (böyüdülməsi, kökəldilməsi) kənd təsərrüfatı məhsullarının istehsalına aid edilmişdir və müvafiq olaraq bu fəaliyyətdən əldə olunan gəlirlər vergilərin ödənilməsindən azad edilmişdir.
Adı çəkilən təsnifata əsasən sorğunuzda qeyd olunan yem istehsalı və balıqçılıq kənd təsərrüfatı məhsullarının istehsalına aid edilmədiyindən bu fəaliyyətdən əldə olunan gəlirlər Vergi Məcəlləsinin müddəalarına uyğun olaraq ümumi qaydada vergiyə cəlb edilməlidir.

Terminlər lüğəti | Facebook | Twitter | Youtube

Qara Qarayev, cavcav1@mail.ru, Bakı
1. Xarici Humanitar Təşkilatın Azərbaycan Respublikasındakı bölməsi olan humanitar təşkilat baş idarədən daxil olan qrantlarla müxtəlif yönlü humanitar fəaliyyətləri həyata keçirir. Məsələn, kənd təsərrüfatı layihəsi çərçivəsində fermerlərə yardım kimi yem, mal-qara və sairə alınıb verilir. Bu yardımların dəyəri sonradan fermer gəlir əldə etdikdə hissə-hissə təşkilata geri qaytarılır. Alınmış vəsait yenə də humanitar fəaliyyət üçün yəni qeyri-kommersiya məqsədləri üçün istifadə edilir. Bu halda humanitar təşkilatın hər hansı vergi öhdəliyi meydana çıxırmı? Və bu fəaliyyət kommersiya fəaliyyəti kimi qiymətləndirilə bilərmi.
2. 1-ci bənddə göstərilən əməliyyat eynilə təkrar olunarsa, lakin fermerlər tərəfindən qaytarılan məbləğ xidmət haqqı əlavə edilməklə edilmiş yardımın məbləğindən çoxdursa bu halda hər hansı vergi öhdəliyi meydana çıxırmı? Və bu fəaliyyət kommersiya fəaliyyəti kimi qiymətləndirilə bilərmi.
3. Sizdən aldığım cavablar rəsmi cavab kimi qiymətləndirilə bilərmi?

1. 2. Bildiririk ki, eyni məzmunlu sorğunuz Vergilər Nazirliyinin aidiyyəti idarəsi tərəfindən baxılır və yaxın zamanlarda müvafiq qaydada cavablandırılacaqdır.
3. Bildiririk ki, Vergilər Nazirliyi tərəfindən vergi ödəyicilərinin məlumatlandırılması və maarifləndirilməsi istiqamətində aparılan məqsədyönlü siyasətin bariz nümunəsi kimi Vergilər Nazirliyinin internet səhifəsinin «Sual-Cavab» bölməsinin təşkil olunmasını qeyd etmək olar. Bu sahədə görülən işlər nəticəsində vergi ödəyicilərinin geniş təbəqəsinin müasir texnologiyalar vasitəsi ilə qısa müddət ərzində mövcud qanunvericilik barədə məlumat əldə etməsi mümkün olmuşdur.
Vergi Məcəlləsinin 15-ci maddəsinin müddəalarına uyğun olaraq vergi ödəyicisinin vergi orqanlarından qeydiyyat (uçot) yeri üzrə qüvvədə olan vergilər və onların ödənilməsi qaydası və şərtlərini tənzimləyən normativ-hüquqi aktlar, vergi ödəyicilərinin hüquq və vəzifələri, vergi orqanlarının və onların vəzifəli şəxslərinin səlahiyyətləri haqqında əvəzsiz olaraq yazılı məlumatlar və vergi orqanlarından vergi qanunvericiliyinin tətbiq edilməsi məsələlərinə dair yazılı izahatlar almaq hüquqları vardır.

Terminlər lüğəti | Facebook | Twitter | Youtube

Elsevən Safarov, e.seferov@expressbank.az, Bakı
Banklarda kassa əməliyyatlarını aparan mədaxil kassa sənədindən istifadə olunur.
Mədaxil kassa elanı yazılan zaman müştəri fiziki şəxsdirsə bu zaman kassa elanında (qəbz və orderdə həmçinin) bankın VÖEN göstərilməlidirmi?
Hüquqi və fiziki şəxslər tərəfindən mədaxil elan yazılan zaman bankın və adları sadalan şəxslərin VÖEN-ləri yazılır.
Azərbaycan Respublikası Nazirlər Kabinetinin 36 saylı 28 fevral 2009-cu il tarixli qərarına əsasən KÖMİS sistemində çap olunan çıxarışlar ciddi uçot blankı hesab olunur. Bəs mədaxil kassa elanları bu kateqoriyaya aiddirmi?
Xahiş olunur bu sualı cavablandırasınız.

Bildiririk ki, Vergi Məcəlləsinin 34.6-cı maddəsinə əsasən hər bir vergi ödəyicisinə bütün vergilər üzrə, o cümlədən Azərbaycan Respublikasının gömrük sərhədindən malların keçirilməsi ilə bağlı ödənişlər üzrə Azərbaycan Respublikasının bütün ərazisində vahid olan vergi ödəyicisinin eyniləşdirmə nömrəsi (VÖEN) verilir.
Vergi Məcəlləsinin 34.7-ci maddəsinə əsasən vergi ödəyiciləri mühasibat, statistika hesabatlarında, vergi haqq-hesablarında, bəyannamələrdə, təsərrüfat müqavilələrində, hesab-fakturalarda, qaimələrdə, nəzarət-kassa aparatlarının çeklərində, məktublarda, habelə gömrük, bank və bütün digər ödəniş sənədlərində VÖEN-ni mütləq göstərməlidirlər.
Vergi ödəyicilərinin hər hansı tədiyyə, bank və gömrük sənədində VÖEN göstərilmədikdə, ödənişi aparan müvafiq bank idarələri, vergi və gömrük orqanları tərəfindən bu sənədlərin icra üçün qəbul edilməsinə yol verilmir.
Nazirlər Kabinetinin 2004-cü il 27 avqust tarixli, 118 nömrəli qərarı ilə təsdiq edilmiş “Müəssisə və təşkilatların, habelə sahibkarlıqla məşğul olan fiziki şəxslərin iş xüsusiyyətlərinə uyğun olaraq ciddi hesabat blanklarının tərtibi və tətbiqi” Qaydalarına əsasən Kütləvi Ödənişlər üzrə Mərkəzləşdirilmiş İnformasiya Sisteminin (KÖMİS) çıxarışlarının uçotu qaydaları Maliyyə Nazirliyi ilə razılaşdırılmaqla, Mərkəzi Bankı tərəfindən müəyyən edilir.
Göründüyü kimi, sorğunuzda qeyd olunan forma Vergilər Nazirliyi tərəfindən təsdiq edilmədiyinə görə, aidiyyəti üzrə Mərkəzi Banka (və ya Maliyyə Nazirliyinə ) müraciət etməyiniz məqsədəmüvafiq hesab edilir.

Terminlər lüğəti | Facebook | Twitter | Youtube

Elsevən Safarov, e.seferov@expressbank.az, Bakı
Hörmətli vergi əməkdaşları, salam.
Azərbaycan Respublikası Mərkəzi Bankının 2002-ci il 10 aprel tarixli "Azərbaycan Respublikasının kredit təşkilatlarında kassa əməliyyatlarının aparılması Qaydaları"nın (qeydiyyat 2825) 4 №–-li əlavəsində "Nağd pulun mədaxili üçün elan"ı banka nağd vəsait qəbul edən zaman həmin sənəddə VÖEN üçün xüsusi sahədə hüquqi və sahibkarlıq fəaliyyəti ilə məşğul olduqda müvafiq VÖEN yazılması nəzərdə tutulmuşdur. Əgər banka müştəri əmanət (depozit) qoyarsa, bu zaman 4 saylı əlavədə göstərilən sahədə nəzərdə tutulan VÖEN-də bankın öz VÖEN-ni yazılmalıdır yoxsa yox. Əgər Vergi Auditi yoxlayan zaman VÖEN yazılmayıbsa, cərimə sanksiyası tətbiq etməlidirmi? Xahiş edirəm bu məsələyə aydınlıq verəsiniz.

Bildiririk ki, Vergi Məcəlləsinin 34.6-cı maddəsinə əsasən hər bir vergi ödəyicisinə bütün vergilər üzrə, o cümlədən Azərbaycan Respublikasının gömrük sərhədindən malların keçirilməsi ilə bağlı ödənişlər üzrə Azərbaycan Respublikasının bütün ərazisində vahid olan vergi ödəyicisinin eyniləşdirmə nömrəsi (VÖEN) verilir.
Vergi Məcəlləsinin 34.7-ci maddəsinə əsasən vergi ödəyiciləri mühasibat, statistika hesabatlarında, vergi haqq-hesablarında, bəyannamələrdə, təsərrüfat müqavilələrində, hesab-fakturalarda, qaimələrdə, nəzarət-kassa aparatlarının çeklərində, məktublarda, habelə gömrük, bank və bütün digər ödəniş sənədlərində VÖEN-ni mütləq göstərməlidirlər.
Vergi ödəyicilərinin hər hansı tədiyə, bank və gömrük sənədində VÖEN göstərilmədikdə, ödənişi aparan müvafiq bank idarələri, vergi və gömrük orqanları tərəfindən bu sənədlərin icra üçün qəbul edilməsinə yol verilmir.
Eyni zamanda bildiririk ki, Mərkəzi Bankın 10.04.2002-ci il tarixli 2825 nömrəli “Azərbaycan Respublikasının kredit təşkilatlarında kassa əməliyyatlarının aparılması və qiymətlilərin inkassasiyasının təşkili Qaydaları”nın 6.2-ci bəndinə əsasən bank hesabı olmayan fiziki şəxs tərəfindən pul köçürmələri büdcə və büdcədənkənar dövlət fondlarının ödənişləri ilə bağlı olduqda “Büdcə ödənişləri üçün elan”dan istifadə olunur və bu elanın forması həmin Qaydalarla təsdiq edilmişdir.
Göründüyü kimi, sorğunuzda qeyd olunan forma Vergilər Nazirliyi tərəfindən təsdiq edilmədiyinə görə, aidiyyəti üzrə Mərkəzi Banka müraciət etməyiniz məqsədəmüvafiq hesab edilir.
Əlavə olaraq bildiririk ki, Vergi Məcəlləsinin 58.7-ci maddəsinə əsasən nağd pul hesablaşmalarının aparılması qaydalarının pozulmasına, yəni nəzarət-kassa aparatları və ya ciddi hesabat blankları tətbiq edilmədən (nəzarət-kassa aparatları quraşdırılmadan, qanunvericiliklə müəyyən edilmiş formalara uyğun ciddi hesabat blankları olmadan və ya nağd ödənilmiş məbləği mədaxil etmədən) vergi orqanlarında qeydiyyatdan keçirilməmiş və ya texniki tələblərə cavab verməyən nəzarət-kassa aparatlarından istifadə etməklə, qanunvericiliklə müəyyən edilmiş ciddi hesabat blanklarından istifadə etmədən və ya müəyyən olunmuş qaydada təsdiq olunmuş formalara uyğun olmayan ciddi hesabat blanklarından istifadə etməklə əhali ilə pul hesablaşmalarının aparılmasına, alıcıya təqdim edilməli olan çekin, blankların valyuta mübadilə şöbələri tərəfindən müştəriyə təqdim edilməli olan bank çıxarışlarının və ya digər ciddi hesabat blanklarının verilməməsinə və ya ödənilmiş məbləğdən aşağı məbləğ göstərilməklə verilməsinə, nəzarət-kassa aparatlarından istifadə edilməsi dayandırıldıqda əhali ilə pul hesablaşmalarının qeydiyyatının aparılması qaydalarının pozulmasına görə vergi ödəyicisinə:
- il ərzində belə hallara birinci dəfə yol verildikdə 400 manat;
- il ərzində belə hallara ikinci dəfə yol verildikdə 800 manat;
- il ərzində belə hallara üç və daha çox dəfə yol verildikdə 1200 manat məbləğində maliyyə sanksiyası tətbiq edilir.

Terminlər lüğəti | Facebook | Twitter | Youtube

Вусаля Гасымова, qasimova_vusale@mail.ru
Какие налоги должны уплачивать коммерческие юридические лица с иностранными инвестициями и в какой статье Налогового Кодекса это написано?

Сообщаем, что наше налоговое законодательство не делает различий между налогообложением юридических лиц с внутренними и иностранными инвестициями, что нашло свое отражение в статье 3.6 Налогового Кодекса.
При этом налоговые обязательства налогоплательщика зависят от выбранной им при регистрации системы налогообложения, а также объема налогооблагаемых операций.
При этом возможны следующие варианты налогообложения:
1) постоянное представительство при регистрации выбирает систему упрощённого налогообложения- в этом случае выручка от всех реализованных в отчётном квартале товаров (работ, услуг), а также внереализационные доходы, в соответствии со статьей 219.1 Налогового Кодекса, облагаются ставкой 4% в Баку и 2% в других регионах республики. Декларируются доходы, в соответствии со статьей 221.3 Налогового Кодекса, не позднее 20-го числа каждого месяца, следующего за отчетным кварталом, соответственно, в тот же период времени выплачивается в бюжет и начисленный налог;
2) постоянное представительство при регистрации становится налогоплательщиком налога на прибыль в– в этом случае, согласно статьям 104.1 и 105.1 Налогового Кодекса, по итогам отчётного года по ставке 20% рассчитывается налог с разницы между валовым доходом и документально подтвержденными затратами, понесёнными для получения этого дохода и разрешёнными к вычету из дохода Налоговым Кодексом. Соответствующая декларация, согласно положениям статьи 149 Налогового Кодекса, подается в налоговый орган не позднее 31 марта года, следующего после отчетного года, а в течение отчетного года в порядке, установленном статьей 151 Налоговым Кодексом, осуществляются текущие налоговые выплаты;
Кроме того, вне зависимости от избранной системы налогообложения, в соответствии со статьей 155.1 Налогового Кодекса, при превышении объема налогооблагаемых операций постоянного представительства в течение последовательного 12-месячного периода 150.000 манатов, оно обязано подать в 10-дневный срок заявление о постановке на учет для целей НДС. В случае регистрации в качестве налогоплательщика НДС, в соответствии с положениями главы ХI Налогового Кодекса, на реализацию товаров (работ, услуг) должен начисляться налог в размере 18% и с учётом ранее выплаченных за приобретённые товары (работы, услуги) сумм НДС, декларироваться не позднее 20-го числа месяца, следующего после отчётного, и перечисляться в бюджет в те же сроки.
Налогоплательщик-юридическое лицо, зарегистрированное в качестве налогоплательщика НДС, является также налогоплательщиком налога на прибыль.
Кроме того отметим, что в зависимости от наличия объекта налогообложения, у юридического лица могут возникнуть обязательства по другим видам налогов (налог у источника выплат, налог у источника выплат в связи с наемным трудом, дорожный налог, земельный налог, акцизный налог и пр.).
Дополнительную информацию о налоговом законодательстве и налоговом администрировании Вы можете получить, ознакомившись с электронной версией Налогового Кодекса, и «Налоговым гидом», размещенными на нашей странице (соответственно, здесь и здесь).
При возникновении же вопросов о налоговом законодательстве и налоговом администрировании Вы можете обратится в информационную телефонную службу №– 195 Министерства Налогов.


Terminlər lüğəti | Facebook | Twitter | Youtube

Aidə Camalova, aide.jamalova@gmail.com, Sumqayıt
Mülki Məcəllənin 53-cü maddəsinə əsasən nümayəndəliklər və filiallar hüquqi şəxs deyildirlər və hüquqi şəxsin təsdiq etdiyi əsasnamələr üzrə fəaliyyət göstərirlər.
Vergi Məcəlləsinin 218.1-ci maddəsinə əsasən Məcəllənin XI fəslinin müddəaları nəzərə alınmaqla, ƏDV məqsədləri üçün qeydiyyata alınmamış və ardıcıl 12 aylıq dövr ərzində vergi tutulan əməliyyatların həcmi 150000 manat və ondan az olan hüquqi şəxslər, həmçinin 90000 manat və ondan az olan hüquqi şəxs yaratmadan sahibkarlıq fəaliyyətini həyata keçirən fiziki şəxslər sadələşdirilmiş vergi ödəyicisi olmaq hüququna malikdirlər.
Məcəllənin 13.2.2-ci maddəsinə əsasən hüquqi şəxs — Azərbaycan Respublikasının və ya xarici dövlətin qanunvericiliyinə uyğun olaraq hüquqi şəxs statusunda yaradılmış müəssisə və təşkilatlardır.
Eyni zamanda VM-nin 13.2.39-cu maddəsinə əsasən müəssisələr — sahibkarlıq fəaliyyətini həyata keçirən və bu cür fəaliyyət üçün yaradılan aşağıdakı qurumlar deməkdir:
13.2.39.1. Azərbaycan Respublikasının qanunvericiliyinə müvafiq olaraq yaradılmış hüquqi şəxslər;
13.2.39.2. xarici dövlətin qanunvericiliyinə uyğun olaraq yaradılmış hüquqi şəxslər (korporasiyalar, şirkətlər, firmalar və digər analoji qurumlar), habelə onların filialları və ya daimi nümayəndəlikləri;
Göründüyü kimi 13.2.39.2-ci bənddə “nümayəndəlik” yox “daimi nümayəndəlik” ifadəsi işlədilibdir.
Sualım belədir:
1. a) Mülki Məcəllədə işlədilən “nümayəndəlik” ifadəsi ilə Vergi Məcəlləsində işlədilən “daimi nümayəndəlik” ifadəsinin mənasını eyniləşdirmək olarmı? Əgər olarsa zəhmət olmasa açıqlama verəsiniz.
b) Əgər olmazsa yuxarıda qeyd etdiyim maddələrin mənasından nümayəndəliyin sadələşdirilmiş vergi ödəyicisi ola bilməz məntiqi çıxırmı?
2. Vergi Məcəlləsinin 13.2.12-ci maddəsində “zərərin ödənilməsi şəklində alınmış məbləğ” dedikdə nə başa düşülür?

a) Məlum olduğu kimi, Mülki Məcəllənin 53.1-ci maddəsinə əsasən hüquqi şəxsin olduğu yerdən kənarda yerləşən və hüquqi şəxsin mənafelərini təmsil və müdafiə edən ayrıca bölməsi nümayəndəlik sayılır. Mülki Məcəllənin məqsədləri üçün nümayəndəliklər hüquqi şəxs deyildirlər və hüquqi şəxsin təsdiq etdiyi əsasnamələr üzrə fəaliyyət göstərirlər.
Vergi Məcəlləsinin 13.1-ci maddəsinə əsasən Vergi Məcəlləsində istifadə olunan mülki, ailə və Azərbaycan Respublikasının digər qanunvericilik sahələrinin anlayışları, əgər Vergi Məcəlləsində digər məna nəzərdə tutulmamışdırsa, həmin qanunvericilik sahələrində qəbul edilmiş mənada tətbiq edilir.
Sorğunuzda da qeyd olunduğu kimi, Vergi Məcəlləsinin 13.2.2-ci maddəsinə əsasən hüquqi şəxs Azərbaycan Respublikasının və ya xarici dövlətin qanunvericiliyinə uyğun olaraq hüquqi şəxs statusunda yaradılmış müəssisə və təşkilatlardır.
Vergi Məcəlləsinin 13.2.39-cu maddəsinə əsasən isə sahibkarlıq fəaliyyətini həyata keçirən və bu cür fəaliyyət üçün yaradılan xarici dövlətin qanunvericiliyinə uyğun olaraq yaradılmış hüquqi şəxslər (korporasiyalar, şirkətlər, firmalar və digər analoji qurumlar), habelə onların filialları və ya daimi nümayəndəlikləri müəssisələr hesab olunur.
Vergi Məcəlləsinin 19-cu maddəsinin müddəalarına əsasən Azərbaycan Respublikasında qeyri-rezident hüquqi şəxsin və ya qeyri-rezident fiziki şəxsin daimi nümayəndəliyi həmin şəxslərin istənilən 12 ay ərzində Azərbaycan Respublikasında üst-üstə 90 gündən az olmayaraq bilavasitə və ya müvəkkil edilmiş şəxs vasitəsilə tam və ya qismən sahibkarlıq fəaliyyətini həyata keçirdiyi yerdir.
Göründüyü kimi, Vergi Məcəlləsinin müddəalarına əsasən daimi nümayəndəlik qeyri-rezident hüquqi və fiziki şəxsi təmsil etdiyindən, vergitutma məqsədləri üçün həmin nümayəndəlik hüquqi şəxsə bərabər bir şəxs kimi qəbul olunaraq müvafiq qaydada vergi ödəyicisi kimi vergi uçotuna alınır və həyata keçirdiyi fəaliyyət zamanı Azərbaycan mənbəyindən gəlirlərin əldə olunması ilə bağlı yaranan vergi öhdəliklərini Vergi Məcəlləsində başqa hal nəzərdə tutulmamışdırsa müstəqil surətdə bilavasitə özü yerinə yetirir.
b) Bildiririk ki, Vergi Məcəlləsinin 3.6-cı maddəsinin müddəalarına uyğun olaraq vergilər siyasi, ideoloji, etnik, konfessional və vergi ödəyiciləri arasında mövcud olan digər xüsusiyyətlər əsas götürülməklə müəyyən edilə bilməz və diskriminasiya xarakteri daşıya bilməz. Mülkiyyət formasından və ya fiziki şəxslərin vətəndaşlığından və ya kapitalın yerindən asılı olaraq vergilərin müxtəlif dərəcələrinin müəyyən edilməsi qadağandır.
Vergi Məcəlləsinin 218.1-ci maddəsinə əsasən ƏDV məqsədləri üçün qeydiyyata alınmamış və ardıcıl 12 aylıq dövr ərzində vergi tutulan əməliyyatların həcmi 150000 manat və ondan az olan hüquqi şəxslər, həmçinin 90000 manat və ondan az olan hüquqi şəxs yaratmadan sahibkarlıq fəaliyyətini həyata keçirən fiziki şəxslər sadələşdirilmiş vergi ödəyicisi olmaq hüququna malikdirlər.
Odur ki, vergitutma məqsədləri üçün daimi nümayəndəliyə hüquqi şəxs kimi baxıldığından onun sadələşdirilmiş vergitutma sistemini seçməyinə də hər hansı məhdudiyyət Vergi Məcəlləsində nəzərdə tutulmamışdır.
2) Bildiririk ki, Mülki Məcəllənin 21.2-ci maddəsinə əsasən zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər (əldən çıxmış fayda) başa düşülür.
Vergi Məcəlləsinin 13.2.12-ci maddəsində də qeyd olunan gəlir belə zərərin ödənilməsi şəklində alınmış məbləğlərə aid edilir.

Terminlər lüğəti | Facebook | Twitter | Youtube

Туран Аскерова, matissa-tr@hotmail.com, Баку
Здравствуйте. Занялась художественной деятельностью. Взяла ИНН в январе, но до сих пор не смогла реализовать свой план в работе и не имела никакого финансового заработка. Когда я должна сдать отчет? Когда будет заработок или за квартал, т.е. за 3 месяца? 3 месяца истекли, я еще не сдавала никакого отчета. Объясните, пожалуйста. Заранее благодарю.

Сообщаем, что, согласно положениям Налогового Кодекса, подача налоговой декларации или, если, как в вашем случае, нет налогооблагаемых операций «Справки о не возникновении налоговых обязательств», в сроки, предусмотренные в налоговом законодательстве, является обязанностью лица, зарегистрированного в качестве налогоплательщика.
В силу того, что в вашем запросе не указан ваш статус налогоплательщика или хотя бы ваш ИНН, мы не можем указать конкретно, когда и в какие сроки с вашей стороны должна быть представлена декларация (или соответствующая справка). Но отметим, что в случае, если Вы зарегистрированы в качестве налогоплательщика подоходного налога, налогооблагаемым периодом для Вас является отчетный год, а «Декларация подоходного налога» («Справка о не возникновении налоговых обязательств») должна быть представлена не позднее 31 марта следующего, 2012-го года.
В случае же, если Вы зарегистрировались в качестве налогоплательщика упрощенного налога, налогооблагаемым периодом для Вас является квартал, и в этом случае с вашей стороны в налоговый орган не позднее 20-го апреля 2011го года должна была быть подана «Декларация об упрощенном налоге» (или «Справка о не возникновении налоговых обязательств») за I квартал, и не позднее 20 июля в– за II квартал.
Также напоминаем, что в соответствии со статьей 57.1 Налогового Кодекса, к налогоплательщику, своевременно не представившему налоговый отчет или упомянутую справку, применяется финансовая санкция в размере 40 манатов. А согласно статье 53.6 Налогового Кодекса, при допущении налогоплательщиком нескольких нарушений законодательства о налогах финансовые санкции применяются отдельно по отношению к каждому нарушению.
Поэтому в случае, если будучи налогоплательщиком упрощенного налога, с вашей стороны в налоговый орган не были представлены ни декларация, ни справка, к вам будет применена финансовая санкция в размере 80 манат.
В качестве дополнительной информации хотим заметить, что в случае, если отсутствие предпринимательской деятельности у вас будет продолжаться еще какой-то, достаточно долгий, период времени, целесообразнее с вашей стороны было бы обратиться в налоговый орган со «Справкой о приостановлении деятельности и других налогооблагаемых операций налогоплательщика, его филиала, представительства и другого хозяйственного субъекта (объекта)» на данный период времени. В этом случае, в течение периода времени. На который у вас приостановлена деятельность, у Вас не будет необходимости предоставлять в налоговый орган декларацию или справку о не возникновении налоговых обязательств ежеквартально. В случае же более раннего возобновления своей предпринимательской деятельности достаточно будет подать в налоговый орган декларацию в соответствующие сроки.
В случае необходимости, для получения дополнительных сведений о налоговом законодательстве или администрировании Вы можете обратиться в телефонную Службу №– 195 Министерства по налогам.

Terminlər lüğəti | Facebook | Twitter | Youtube

Samir Mehdiyev, samirlight@mail.ru, Bakı
Şirkətimiz BP-nin subpodratçısı olaraq PSA altında fəliyyət göstərir. Sazişə uyğun olaraq ƏDV-dən 0% ilə azad olunma haqqında sertifikat almaq hüququmuz olmasına baxmayaraq hələ ki, sertifikatı almamışıq. Buna baxmayaraq şirkətimiz fəaliyyət göstərir və digər şirkətlərdən aldığı mallara və xidmətlərə görə təqdim olunmuş VHF-lara əsasən ƏDV ödəyir. Sualım ondadır ki, subpodratçı olaraq, sertifikatımız olmadan belə, ödədiyimiz ƏDV-ləri büdcədən əvəzləşdirəmək hüququmuz varmı? Əlavə olaraq bilmək istərdik ki, ödənilmiş ƏDV-ləri digər vergilərlə əvəzləşdirmək olarmı?

Bildiririk ki, qanunla təsdiq edilmiş Hasilatın Pay Bölgüsü haqqında Sazişlərin müddəalarına əsasən imzalanmış “Əlavə Dəyər Vergisi haqqında Protokol”lara uyğun olaraq Azərbaycan Respublikasında hər bir Podratçı Tərəf, Əməliyyat Şirkəti və Subpodratçılar karbohidrogenlər fəaliyyəti ilə bağlı tədarük edilən mallara, işlərə və xidmətlərə görə sıfır faiz (0%) vergi dərəcəsi ilə əlavə dəyər vergisinə cəlb olunurlar. Yəni Podratçı Tərəfin və Əməliyyat şirkətinin karbohidrogen fəaliyyəti çərçivəsində idxalı və təqdimetmələri və eyni zamanda karbohidrogen fəaliyyəti ilə bağlı onlara subpodratçılar tərəfindən təqdimetmələr, habelə bununla bağlı idxal ƏDV sıfır (0%) dərəcə ilə aparılır.
Əgər mallar, işlər və xidmətlər karbohidrogen fəaliyyətinin yerinə yetirilməsi üçün deyil, başqa məqsədlər üçün gətirilirsə, onda belə malların, işlərin və ya xidmətlərin təqdim edilməsi Azərbaycan Respublikasının qanunvericiliyinə uyğun olaraq ƏDV-yə cəlb edilir.
Hasilatın Pay Bölgüsü haqqında Sazişlər əsasında fəaliyyət göstərən sıfır faiz (0%) dərəcəsi ilə ƏDV tutulan malların, işlərin və ya xidmətlərin təchizatçıları (satıcıları) bu malları, işləri və ya xidmətləri təchiz edəndə sifarişçidən ƏDV-yə sıfır faiz (0%) dərəcəsi ilə cəlb olunma haqqında Vergilər Nazirliyi tərəfindən (Xüsusi Rejimli Vergi Xidməti Departamentindən) verilmiş Sertifikatın surətini almalıdırlar. ƏDV-yə sıfır faiz (0%) dərəcəsi ilə cəlb olunma Sertifikatının surəti təchizatçının sıfır faiz (0%) dərəcəsi ilə ƏDV tutmağa icazəsi olduğuna qəti sübutdur.
Eyni zamanda, Əməliyyat Şirkəti, Podratçı Tərəf və Subpodratçı təşkilatlar sıfır faiz (0%) dərəcəsi ilə ƏDV ödəməli olduğu halda onlara malların, işlərin və ya xidmətlərin tədarükü ilə əlaqədar sıfır faizdən (0%) artıq dərəcə ilə ƏDV qoyulursa və ya tutulursa, onda Sazişə uyğun olaraq həmin Əməliyyat Şirkəti, Podratçı Tərəf və Subpodratçılar belə artıq ödənilmiş ƏDV-ni tam məbləğdə Azərbaycan Respublikasının qanunvericiliyinə müvafiq qaydada dövlət büdcəsindən geri almaq və ya digər vergilərlə əvəzləşdirmək hüququna malikdirlər.
Vergi Məcəlləsinin 85.5-ci maddəsinə əsasən isə vergi ödəyicisi vergi hesabatı dövrü qurtardıqdan sonra 3 il ərzində ondan düzgün tutulmamış vergilərin, faizlərin və maliyyə sanksiyalarının hesablanmasını və hesablanmış məbləğin yenidən hesablanmasını, artıq ödənilmiş vergilərin, faizlərin və maliyyə sanksiyalarının məbləğinin qaytarılmasını və ya əvəzləşdirilməsini 5 il ərzində tələb etmək hüququna malikdir.
Vergi ödəyicisinin ödədiyi vergilərin, faizlərin və maliyyə sanksiyalarının artıq məbləğləri digər vergilərin, faizlərin və maliyyə sanksiyalarının ödənilməsi hesabına aid edildiyi halda, artıq ödənilmiş vergilərin, faizlərin və maliyyə sanksiyalarının qalan məbləğləri vergi ödəyicisinin yazılı ərizəsinə əsasən 45 gün ərzində vergi ödəyicisinə qaytarılır (Vergi Məcəlləsi, maddə 87).
Bununla yanaşı, Vergi Məcəlləsinin 175.1-ci maddəsinə əsasən bu maddədə başqa hallar nəzərdə tutulmamışdırsa, əvəzləşdirilən ƏDV-nin məbləği vergi ödəyicisinə verilmiş vergi hesab-fakturaları üzrə nağdsız qaydada (mal, iş və xidmət təqdim edənin bank hesabına birbaşa nağd qaydada ödənişlər istisna edilməklə) ödəmələr üzrə ƏDV-nin depozit hesabına və bu hesab daxilində aparılan əməliyyatlarda ödənilən vergi məbləği sayılır. Göründüyü kimi əvəzləşdirilən ƏDV-nin məbləği vergi ödəyicisinə verilmiş vergi hesab fakturaları üzrə nağdsız qaydada aparılan ödəmələr üzrə müəyyən edilir.

Terminlər lüğəti | Facebook | Twitter | Youtube

Elməddin Rzayev Elman o., emka553@mail.ru, Bakı
Vergi ödəyicisi hesab blankının doldurulması.

Sorğuda qeyd etdiyiniz sual bir qədər dəqiq olmadığına görə sualınızı dəqiqləşdirməklə yenidən müraciət etməyinizi və ya 195 nömrəli Telefon Məlumat Xidmətinə zəng edərək “1” düyməsi ilə Vergilər Nazirliyinə müraciət etməyinizi məsləhət görürük.
Terminlər lüğəti | Facebook | Twitter | Youtube

Эмин, emil_253@mail.ru, Bakı
В России, в других европейских странах существует справка НЛДФ (Налог для физического лица). Bыдаются ли у нас такие справки? Если да, то где их можно получить, и как они у нас называются? Спасибо.

Сообщаем, что утвержденная в январе текущего года приказом Федеральной налоговой службы России форма 2-НДФЛ «Справка о доходах физического лица представляет собой специальную форму, выдаваемую налоговым агентом непосредственному налогоплательщику. Данная форма предоставляется после удержания и выплаты налога налоговым агентом на основании поданного налогоплательщиком, с которого налог был удержан, заявления о документальном подтверждении факта удержания налога.
Аналогичная специальная форма в налоговом администрировании нашей республики в данный момент не применяется.

Terminlər lüğəti | Facebook | Twitter | Youtube

Nuhen Cafarov Hüseyn, nuhen@rocketmail.com
Vergilər Nazirliyinin saytından VOEN almaq mümkündürmü? Əgər mümkündürsə necə? Zəhmət olmasa izahını verin.

Bildiririk ki, vergi ödəyicilərinə göstərilən xidmətlərin optimal vaxtda həyata keçirilməsi, şəxslərin vergi orqanına gəlmə asılılığının minimuma endirilməsi, vergi ödəyiciləri ilə fiziki əlaqə formalarının məhdudlaşdırılması, eyni zamanda, həm vergi ödəyicilərində, həm də vergi orqanlarında vaxt və maddi resurs sərfiyyatının azaldılması məqsədilə 2011-ci il iyul ayının 1-dən etibarən sahibkarlıq fəaliyyətini hüquqi şəxs yaratmadan həyata keçirən fiziki şəxslərin vergi orqanlarına gəlmədən İnternet Vergi İdarəsi vasitəsilə birbaşa on-layn rejimində qeydiyyata alınmasına başlanılmışdır.
VÖEN almaq istəyən 18 yaşı tamam olmuş və şəxsiyyət vəsiqəsi almış Azərbaycan Respublikasının vətəndaşları səhifəmizin “E-xidmətlər” bölməsinin “İnternet Vergi İdarəsi” alt bölməsində “Fərdi sahibkarın onlayn qeydiyyatı” xidmətindən istifadə etməlidirlər.
Bunun üçün ilkin olaraq fiziki şəxs tərəfindən “İnternet Vergi İdarəsi” saytının (www.e-taxes.gov.az) “Yeni fərdi istifadəçi kodunun alınması” bölməsinə daxil olmalı, burada açılmış “Virtual ödəyici xidməti” ekranında “Yeni istifadəçi qeydiyyatı” başlığı seçməli, qeydiyyatdan keçmək üçün öz şəxsiyyət vəsiqəsinin fotoşəkil olan üzündə yerləşdirilən nömrəni və PİN kodunu müvafiq xanalara daxil etməklə “İrəli” düyməsi sıxılmalıdır.
Şəxsiyyət vəsiqəsinin nömrəsi və PİN-kodu vəsiqənin yerləşir. Vəsiqənin nömrəsi 8 rəqəmdən, PİN kodu isə 7 simvoldan ("İ" və "O" hərfləri istisna olmaqla ingilis əlifbasının hərflərindən və rəqəmlərdən) ibarətdir. Vəsiqənin PİN-kodunu axırıncı sətirdə çap edilmiş son səkkiz simvolun ilk yeddisi təşkil edir.
Bundan sonra istifadəçi növbəti açılmış ekranda göstərilən xanaları - ilkin olaraq hüquqi ünvanı, hüquqi ünvanla hal-hazırda yaşadığı faktiki ünvan fərqli olduqda isə habelə faktiki ünvan, eyni zamanda digər məlumatları - mobil telefon nömrəsini və “e-mail məlumatlarını da doldurmalı (hər bir istifadəçi öz istəyinə əsasən çox saylı pulsuz e-mail təklif edən səhifələrdə qeydiyyatdan keçməklə özünə e-mail ünvanı yarada bilər, məsələn, box.az, mail.ru, gmail.com, yahoo.com və s.) və “Qəbul” düyməsini sıxmalıdır. İstifadəçi sistemə daxil edilmiş məlumatların doğruluğunu təsdiqləmək üçün ekrana çıxmış “Yeni istifadəçinin məlumatlarının təsdiqlənməsi ekranı”nda “Tanış oldum, məlumatların doğruluğunu təsdiqləyirəm” cümləsinin qarşısındakı boş xananı işarələyərək “Qəbul” düyməsini sıxmalıdır.
Son nəticədə yeni istifadəçinin qeydiyyat parametrləri (istifadəçi adı, parol, şifrə), sistemə daxil edilmiş “e-mail” ünvanına göndərilir və bu barədə “Bildiriş” məlumatı ekrana çıxır. İstifadəçi öz “e-mail” ünvanına daxil olmaqla qeydiyyat məlumatlarını götürür. Sonra isə istifadəçi yenidən “Virtual ödəyici xidməti” ekranında 1-ci başlığı, yəni “İstifadəçi kodu ilə daxil olun” başlığını seçilərək onlayn rejimlə aldığı qeydiyyat parametrlərini, yəni istifadəçi kodu, parol və şifrəni bura daxil edərək “Daxi ol” düyməsi sıxılmaqla yeni istifadəçi kimi sistemə daxil olur.
Fərdi sahibkarın (fiziki şəxsin) onlayn rejimdə VÖEN alması 2 üsulla mümkündür:
1-ci üsul в– “Yeni müraciət” düyməsi vasitəsilə qeydiyyatı. “Yeni müraciət” düyməsi vasitəsilə fiziki şəxsin VÖEN alması aşağıdakı addımlardan ibarətdir:
addım 1: “Yeni müraciət” düyməsi sıxılır;
addım 2: “Sənədin növü” siyahısından “Fiziki şəxsin onlayn qeydiyyat ərizəsi” seçilir;
addım 3: Ekrana elektron ərizə forması çıxır. İstifadəçi həmin ekranda aşağıdakı məlumatları daxil edir və sonda “İrəli” düyməsini sıxır:
a) Poçt əlaqəsinin aparılacağı ünvan (hüquqi və ya faktiki ünvanlardan biri seçilir);
b) Fəaliyyət sahəsinin kodu daxil edilir və “Əlavə et” düyməsi sıxılır (Fəaliyyət sahəsinin məlumatları alt cədvələ düşür);
c) Əvvəlki VÖEN (9 rəqəmli) daxil edilir (yoxlamaq üçün Yoxla düyməsi sıxılır);
d) İstifadəçi kodu, parol, şifrənin verilmə tarix intervalı daxil edilir (başlanğıc və son tarixlər);
addım 4: Əgər edilmiş əməliyyat doğrudursa, “Tanış oldum, məlumatların doğruluğunu təsdiqləyirəm” cümləsinin qarşısındakı boş xana işarələnir və “İcra et” düyməsi sıxılır. Sistem tərəfindən “Bildiriş” məlumatı ekranda görünür və sənədə 16 rəqəmli nömrə verilir.
addım 5: Həmin bildirişi çap etmək və ya bağlamaq üçün müvafiq düymələrdən (“Bağla” və ya “Çap”) biri sıxılır. Fiziki şəxsin onlayn qeydiyyat Şəhadətnaməsi istifadəçinin “Gələnlər” qovluğuna düşür. İstifadəçi “Gələnlər” qovluğundan həmin sənədi tapır və üzərinə 2 dəfə sıxır. Əsas sənədi PDF formatında görmək üçün istifadəçi ekrandakı keçidi sıxır. Bu zaman “Fiziki şəxsin sahibkarlıq uçotu haqqında Şəhadətnamə”si ekrana çıxır. İstifadəçi bu Şəhadətnaməni Adobe Reader proqramının imkanlarından istifadə edərək çap edə bilər.
2-ci üsul в– daha qısa yol olan “F/Ş qeydiyyat ərizəsi” düyməsi vasitəsilə qeydiyyatı.
Bu zaman istifadəçi “F/Ş qeydiyyat ərizəsi” düyməsini sıxır və yuxarıdakı addım 3, addım 4, addım 5 mərhələlərini keçərək fiziki şəxs kimi qeydiyyatdan keçir (yəni, onlayn rejimdə VÖEN alır). Sonda sənədin bir nüsxəsi “Göndərdiklərim” qovluğuna, digər nüsxəsi isə Vergilər Nazirliyinə göndərilir. Fiziki şəxsin onlayn qeydiyyat Şəhadətnaməsi isə istifadəçinin “Gələnlər” qovluğuna düşür. Nəzərə almaq lazımdır ki, fiziki şəxs qeydiyyatdan keçməmişsə, “F/Ş qeydiyyat ərizəsi” düyməsi ekranda görünəcəkdir, əks halda qeydiyyatdan sonra həmin düymə ekranda görünmür.
Vergi qanunvericiliyi ilə bağlı əlavə məlumatı 195 nömrəli Telefon Məlumat Xidmətinə zəng edərək “1” düyməsi ilə Vergilər Nazirliyinə qoşularaq əldə edə bilərsiniz.

Terminlər lüğəti | Facebook | Twitter | Youtube

Əkbərov İmaməli Hacırza oğlu, Kasper-007-76@mail.ru, Bakı
Şirkətin son bir ildəki fəaliyyəti haqqında sorğu hansı vergi orqanlarına təqdim olunmalıdır və haradan vergi orqanları tərəfindən təsdiq olunmuş maliyyə hesabatını əldə etmək olar. Xahiş edirəm sualıma cavab verəsiniz.

Bildiririk ki, Vergi Məcəlləsinin 30-cu maddəsinin müddəalarına uyğun olaraq aşağıdakı məlumatlar istisna olmaqla vergi orqanı və onun vəzifəli şəxsləri tərəfindən vergi ödəyicisi barədə əldə edilən istənilən məlumat kommersiya (vergi) sirri və şəxsi həyata dair məlumat hesab olunur:
- vergi ödəyicisinin razılığı ilə aşkar edilən;
- vergi ödəyicisinin eyniləşdirmə nömrəsi haqqında;
- müəssisənin Nizamnamə fondu (nizamnamə kapitalı) haqqında;
- vergi qanunvericiliyinin pozulması və bu pozulmalara görə məsuliyyət tədbirləri haqqında;
- vergi ödənişləri üzrə borclar;
- hüquqi şəxslərin dövlət reyestrindəki məlumatlar.
Kommersiya (vergi) sirri vergi orqanları, onların vəzifəli şəxsləri tərəfindən qanunla nəzərdə tutulmuş hallar istisna olmaqla açılmamalıdır.
Göründüyü kimi, maliyyə hesabatları kommersiya (vergi) sirri sayıldığından həmin məlumatların 3-cü şəxslərə təqdim edilməsinə vergi orqanının səlahiyyəti olmadığından, onların alınması üçün bilavasitə vergi ödəyicisinə müraciət etmək məqsədəmüvafiqdir. Vergi ödəyicisinin özünə isə təqdim edilmiş müvafiq bəyannamələrin təsdiqlənmiş sürətləri, həmçinin də fəaliyyəti haqqında digər məlumatlar ödəyicinin özü və ya onun səlahiyyətli nümayəndəsi tərəfindən uçotda olduğu vergi orqanına edilmiş rəsmi müraciət əsasında təqdim oluna bilər.
Vergi qanunvericiliyi ilə bağlı əlavə məlumatı 195 nömrəli Telefon Məlumat Xidmətinə zəng edərək “1” düyməsi ilə Vergilər Nazirliyinə qoşularaq əldə edə bilərsiniz.

Terminlər lüğəti | Facebook | Twitter | Youtube

Vüqar Məmmədov, shakh@mail.ru, Bakı
Salam. Bir İşçiyə 15 avqust 2011-ci il tarixindən 17 günlük, digər işçiyə isə həmən tarixdən 19 günlük növbəti əmək məzuniyyəti verilir. Əgər bu ayda 2 gün qeyri-iş günü hesab edilən bayram günü varsa işçilər müvafiq olaraq hansı tarixdən işə çıxmalıdırlar? Ətraflı izah etməyinizi xahiş edirəm. Əvvəlcədən təşəkkürümü bildirirəm.

Bildiririk ki, Əmək Məcəlləsinin 114.6-cı maddəsinə əsasən əmək məzuniyyəti dövrünə təsadüf edən iş günü hesab olunmayan bayram günləri məzuniyyətin təqvim günlərinə daxil edilmir və ödənilmir.
Qeyd olunan məsələ ilə əlaqədar daha ətraflı məlumatın alınması üçün Əmək və əhalinin Sosial Müdafiəsi Nazirliyinə müraciət etməyiniz daha məqsədəuyğundur.

Terminlər lüğəti | Facebook | Twitter | Youtube

Emin Rasulov, emin.rasulov@esbaku.az
Salam. İşçi 23 iyul 2010 cu il tarixində işə başlayıb. 23 iyul 2011 ci il tarixində müvafiq qanunvericiliyə əsasən onun məzuniyyət hüququ yaranır. İşçinin əmək haqqı 1200 AZN təşkil edir, məzuniyyətə getmədiyinə görə verilən kompensasiya isə 1000 AZN. Avqust ayının əmək haqqısını verən zaman işçi ilə razılaşdırılmış şəkildə yuxarıda qeyd olunan dövr üçün məzuniyyətə çıxmadıgı üçün ona kompensasıya verilir. Bu zaman gəlir vergisi hansı məbləgdən tutulmalıdır.2200 AZN dən yoxsa ayrı-ayrılıqda.

Bildiririk ki, Əmək Məcəlləsinin 144-cü maddəsinin 2-ci bəndinə əsasən əmək müqaviləsinə xitam verilməsinin səbəbindən və əsasından asılı olmayaraq işçiyə işdən çıxan günədək hər hansı şərt və ya məhdudiyyət qoyulmadan istifadə etmədiyi bütün iş illərinin əsas məzuniyyətlərinə görə pul əvəzi ödənilməlidir.
Eyni zamanda, həmin Məcəllənin 140-cı maddəsinin 1-ci bəndinə əsasən məzuniyyət vaxtı üçün ödənilən orta əmək haqqı onun hansı iş ili üçün verilməsindən asılı olmayaraq məzuniyyətin verildiyi aydan əvvəlki 12 təqvim ayının orta əmək haqqına əsasən müəyyən edilir.
Vergi Məcəlləsinin 98.1-ci maddəsinə əsasən fiziki şəxs tərəfindən muzdlu işlə əlaqədar alınan gəlir — əmək haqqı, bu işdən alınan hər hansı ödəmə və ya fayda, o cümlədən əvvəlki iş yerindən, yaxud gələcək muzdlu işdən alınan gəlirdir.
Vergi Məcəlləsinin 150-ci maddəsinin müddəalarına uyğun olaraq muzdlu işlə əlaqədar gəlir əldə edən fiziki şəxslərin hesablanmış gəlirindən işəgötürən hüquqi şəxslər və fərdi sahibkarlar gəlir vergisini Vergi Məcəlləsinin 101.1-ci maddəsində qeyd olunan aylıq cədvəl üzrə hesablamalı və büdcəyə ödəməlidirlər.
Bununla əlaqədar işçiyə keçmiş iş ilində (illərində) istifadə edilməmiş əmək məzuniyyətinə görə ödənilən kompensasiya gəlir vergisinə cəlb olunmalıdır və bu zaman kompensasiya ödənildikdə gəlir vergisi hər il üçün hesablanan məbləğdən ayrılıqda, işçi ilə son haqq-hesab aparılarkən tam olmayan sonuncu iş ilinin məzuniyyət haqqından isə, onun verildiyi ayın əmək haqqı ilə birlikdə gəlirin ümumi məbləğindən tutulmaqla dövlət büdcəsinə ödənilir. Yəni, sorğunuza əsasən tam olan iş ilinin məzuniyyət haqqı olduğu halda gəlir vergisi 1200 manatdan ayrı, 1000 manatdan ayrı tutulmalıdır.
Əlavə olaraq nəzərinizə çatdırırıq ki, Əmək Məcəlləsinin 131-ci maddəsinə əsasən işçinin birinci iş ili üçün əmək məzuniyyəti hüququ əmək müqaviləsinin bağlandığı andan etibarən altı ay işlədikdən sonra əmələ gəlir.

Terminlər lüğəti | Facebook | Twitter | Youtube

Lalə Muradova Pənah q., lale.muradova@rabitabank.com
Vergilər Nazirliyindən inkasso sərəncamı daxil olan zaman müştəri hesabındakı pulu əməkhaqqı kimi köçürə və ya nağd şəkildə çıxara bilərmi? Əgər çıxara bilərsə hansı şərtlər daxilində bu mümkündür? Əgər çıxarılmasına icazə verilmirsə hansı səbəbdən icazə verilmir?

Bildiririk ki, Vergi Məcəlləsinin 65.6-cı maddəsinə əsasən vergi orqanlarının vergilər üzrə borcların və faizlərin, tətbiq edilmiş maliyyə sanksiyalarının dövlət büdcəsinə alınması haqqında sərəncamları bank və digər kredit təşkilatı tərəfindən Mülki Məcəllədə nəzərdə tutulВ¬muş ödənişlərin növbəliliyi ardıcıllığına uyğun olaraq icra edilir.
Mülki Məcəllənin 965.2-ci maddəsinə əsasən hesabdakı pul vəsaiti müştərinin sərəncamlarını və ona qarşı irəli sürülmüş bütün tələbləri yerinə yetirməyə kifayət etmədikdə birinci növbədə həyata və ya sağlamlığa vurulmuş zərərin ödənilməsi haqqında tələblərin, habelə alimentlərin tutulması haqqında tələblərin yerinə yetirilməsi üçün hesabdan pul vəsaitinin köçürülməsini və ya verilməsini nəzərdə tutan icra sənədi üzrə hesabdan silmə, ikinci növbədə əmək müqaviləsi ilə işləyən şəxslərə işdənçıxma müavinətlərinin və əmək haqqının ödənilməsi üzrə və müəlliflik müqaviləsinə görə haqların ödənilməsi üzrə hesablaşmalar üçün pul vəsaitinin köçürülməsini və ya verilməsini nəzərdə tutan icra sənədi üzrə hesabdan silmə, habelə bu məqsədlər üçün verilmiş bank kreditlərinin hesabdan silinməsi, üçüncü növbədə isə dövlət büdcəsinə, məcburi dövlət sosial sığorta haqları üzrə büdcədənkənar dövlət fonduna və bələdiyyələrin büdcələrinə ödənişləri nəzərdə tutan ödəniş sənədləri üzrə hesabdan silmə həyata keçirilir.
Göstərilən maddənin mətnində qeyd edilən “icra sənədi” anlayışı vergi ödəyicisinə deyil, qanunvericiliyə əsasən müvafiq hakimiyyət səlahiyyətinə malik olan dövlət orqanlarına şamil edilir. Belə ki, “Məhkəmə qərarlarının icrası haqqında” Azərbaycan Respublikası Qanununun 6-cı maddəsinə və Azərbaycan Respublikası Mərkəzi Bankı İdarə Heyətinin 19.09.2002-ci il tarixli qərarı ilə təsdiq edilmiş “Azərbaycan Respublikasında nağdsız hesablaşmalar və pul köçürmələri haqqında Təlimat”ın (Ədliyyə Nazirliyində dövlət qeydiyyatına alınmışdır: 16.10.2002; №– 2925) 4.3-cü bəndinə əsasən məhkəmə qərarları, qərardadları, icra vərəqələri, məhkəmə əmrləri, alimentlərin ödənilməsi barədə notariat qaydasında təsdiq edilmiş sazişlər, notariat orqanlarının icra qeydləri, inzibati işlərə dair vəzifəli şəxslərin qərarları və qanunvericilikdə nəzərdə tutulmuş hallarda digər orqanların qərarları icra sənədi hesab edilir.
Bunlara əsasən vergi orqanı tərəfindən bank hesabına qoyulmuş sərəncam icra sənədi olmaqla Mülki Məcəllənin 965.2-ci maddəsində nəzərdə tutulmuş növbəliliyə uyğun olaraq icra olunur.
Göründüyü kimi, vergi ödəyicisinin işçilərin əmək haqlarının ödənilməsi barədə tapşırığı icra sənədi hesab olunmur və vergi orqanının sərəncamından əvvəl icra olunmamalıdır.

Terminlər lüğəti | Facebook | Twitter | Youtube

Cəbrayılov Şənər Mayıl oğlu, envvvver@mail.ru, Sumqayıt
Mən VÖEN açdırmışam və sahəsi 6 kv/m olan obyekt icarəyə götürmüşəm. Bundan sonra nə etməliyəm və vergini necə ödəməliyəm? Mənə kassa aparatı düşürmü, xahiş edirəm ətraflı məlumat verəsiniz.

İlk növbədə xatırladırıq ki, təsərrüfat subyekti (obyekt), məsələn mağaza vasitəsilə fəaliyyətini həyata keçirən fiziki şəxs təsərrüfat subyekti (obyekti) yerləşdiyi ərazi üzrə vergi orqanında (sorğunuza əsasən obyekt Sumqayıt şəhərində yerləşdiyi halda Sumqayıt şəhəri, 44-cü məhəllə, Quliyev küçəsi 2 ünvanında yerləşən 2 saylı Ərazi Vergilər İdarəsində) uçota alınmalı (obyekt kodlaşdırılmalı) və bu məqsədlə də uçota alınmaq üçün ödəyici tərəfindən təqdim edilən ərizəyə (“Vergi ödəyicisinin filialının, nümayəndəliyinin və ya digər təsərrüfat subyektinin (obyektinin) olduğu yer üzrə vergi uçotuna alınması haqqında ərizə”) fəaliyyətin yerinə yetiriləcəyi ünvanı təsdiq edən sənədin (mülkiyyət hüququnu təsdiq edən sənədin, icarə müqaviləsinin, etibarnamənin və ya qanunvericiliklə nəzərdə tutulmuş digər sənədin) surətləri əlavə edilməlidir.
Vergi Məcəlləsinin 50.7-ci maddəsinə əsasən isə Vergi Məcəlləsinin 16.1.8-ci maddəsində göstərilən fəaliyyət növləri istisna edilməklə Azərbaycan Respublikasının ərazisində nağd pul hesablaşmaları aparan vergi ödəyicilərinin belə hesablaşmaları nəzarət-kassa aparatları vasitəsilə həyata keçirmələri müəyyənləşdirilmişdir.
İstismar edilən obyektin sahəsinin NKA-larının tətbiqinə təsir etməsi isə mövcud qanunvericilikdə nəzərdə tutulmamışdır.
NKA-nın qeydiyyata alınması üçün vergi ödəyicisi tərəfindən ərazi üzrə vergi orqanına “Nəzarət-kassa aparatının qeydiyyata alınması (çıxarılması) ərizəsi” verilməli və bu ərizəyə aşağıda qeyd olunan sənədlər əlavə olunmalıdır:
- Nəzarət-kassa aparatının texniki pasportu;
- Servis texniki xidmət mərkəzinin nəzarət-kassa aparatının quraşdırılması barədə aktı;
- Ərizənin təqdim olunma tarixinə nəzarət-kassa aparatının fiskal yaddaşının göstəricisini əks etdirən çek;
- Mövcud qanunvericilikdə pos-terminalların quraşdırılması məqsədəmüvafiq hesab edilən pərakəndə ticarət, iaşə və digər xidmət müəssisələrində onların quraşdırılması barədə sənəd;
- Elektron məsafədən ötürmə qurğuları və ya elektron nəzarət lenti quraşdırılmalı nəzarət-kassa aparatları üzrə servis texniki xidmət mərkəzinin elektron məsafədən ötürmə qurğusunun və ya elektron nəzarət lentinin quraşdırılması barədə aktı;
- Nəzarət-kassa aparatına texniki xidmət kitabı və nəzarət-kassa aparatının işləmədiyi dövrdə aparılmış əməliyyatların uçotu kitabı.
Vergi öhdəliklərinə gəldikdə isə bildiririk ki, Vergi Məcəlləsinin müddəalarına uyğun olaraq sahibkarlıq fəaliyyəti ilə məşğul olan fərdi sahibkar vergi tutulan əməliyyatlarının həcmindən və istəklərindən asılı olaraq onu qane edən vergitutma sistemini seçərək sadələşdirilmiş verginin və ya gəlir vergisinin ödəyicisi kimi fəaliyyət göstərə bilər.
Belə ki, sadələşdirilmiş vergitutma sistemini tətbiq etmək istəyən vergi ödəyicisi Vergi Məcəlləsinin 219.1-ci maddəsinə əsasən rüb ərzində təqdim edilmiş mallara (işlərə, xidmətlərə) və əmlaka görə əldə edilmiş ümumi hasilatın, habelə satışdankənar gəlirlərin həcminə Bakı şəhərində 4 faiz, digər regionlarda isə 2 faiz tətbiq etməklə vergini hesablamalı və büdcəyə ödəməlidir. Sadələşdirilmiş vergi ödəyicisi olan fiziki şəxs bu fəaliyyət üzrə gəlir vergisindən və ƏDV-dən azad edilərək yalnız sadələşdirilmiş vergini ödəyir.
Sadələşdirilmiş vergitutma sistemindən imtina edərək, seçimini gəlir vergisinin xeyrinə edən fərdi sahibkar hesabat ili ərzində əldə etdiyi vergi tutulan gəlirdən, yəni əldə olunan gəlirlərlə bu gəlirlərin əldə olunmasına çəkilən və qanunvericiliyə uyğun olaraq gəlirdən çıxıla bilən xərclərin fərqindən 20 faiz dərəcə ilə gəlir vergisini hesablayaraq dövlət büdcəsinə ödəməlidir.
Yuxarıda qeyd olunan vergitutma sistemlərinin hansının tətbiq edilməsindən asılı olmayaraq, fərdi sahibkarın vergi tutulan əməliyyatlarının həcmi ardıcıl 12 ay ərzində 90000 manatdan çox olduqda həmin şəxs bu müddət başa çatdıqdan sonrakı 10 gün ərzində ƏDV ödəyicisi kimi uçota durmaq barədə vergi orqanına ərizə ilə müraciət etməli, ƏDV ödəyicisi kimi qeydiyyata alındıqda isə ay ərzində təqdim edilən malların (işlərin, xidmətlərin) dəyərinə 18 faiz dərəcə ilə ƏDV tətbiq etməli və qanunvericiliyə uyğun olaraq əvəzləşdirilməli ƏDV-ni nəzərə almaq şərti ilə büdcəyə ödəməlidir (Vergi Məcəlləsi, maddə 155.1, 173, 175.). ƏDV-nin ödəyicisi olan fiziki şəxslər eyni zamanda gəlir vergisinin ödəyicisi olurlar.
Eyni zamanda, təsərrüfat subyekti (obyekti) üçün nəzərdə tutulan yerin tərəfinizdən icarəyə götürüldüyündən icarəyə verən fiziki şəxs olduqda Vergi Məcəlləsinin 124-cü maddəsinə əsasən icarə haqqından ödəmə mənbəyindən 14 faiz dərəcə ilə vergini tutaraq hesabat rübündən sonrakı ayın 20-dək ödəməlisiniz.
Vergi ödəyicisində vergitutma obyektlərinin mövcudluğu və aparılan əməliyyatların xüsusiyyətlərindən asılı olaraq digər vergilər (muzdlu işlə əlaqədar ödəmə mənbəyində tutulan vergilər, ödəmə mənbəyində tutulan vergilər və s.) də hesablanaraq ödənilməlidir.
Vergi qanunvericiliyi ilə bağlı daha ətraflı məlumatı 195 nömrəli Telefon Məlumat Xidmətinə zəng edərək “1” düyməsi ilə Vergilər Nazirliyinə qoşularaq əldə edə bilərsiniz.

Terminlər lüğəti | Facebook | Twitter | Youtube

İbrahimova İ., mars77@box.az, Bakı
Salam! Sizə bir sualım var. Hal-hazırda işləyirəm. 5 yaşında qızım var. İstərdim ki, iş vaxtı 1 saat qısaldılsın. Əmək Məcəlləsinə uyğun olaraq əmək haqqından 1 saat tutulur. Öncədən təşəkkür edirəm.

Sorğunuzda göstərilən məsələ ilə əlaqədar əmək fəaliyyətiniz barədə müvafiq açıqlama verməklə aidiyyəti üzrə səlahiyyətli qurum olan Əmək və Əhalinin Sosial Müdafiəsi Nazirliyinə müraciət etməyiniz daha məqsədəuyğundur.
Terminlər lüğəti | Facebook | Twitter | Youtube

Hüseynova Günel Fikrət q., gulu1987aaa@mail.ru, Sumqayıt
Ailə vəziyyətim çətindir, kirayədə qalıram, ali təhsilli olsam da işsizəm. Mənə kim köməklik edə bilər? Hara müraciət edim, heç kimim yoxdur. Xahiş edirəm mənə köməklik edin.

Bildiririk ki, respublikamızda əmək bazarındakı gərginliyin aradan qaldırılması, əhalinin işlə təmin edilməsinin səmərəliliyinin artırılması məqsədilə, mövcud çətinliklər nəzərə alınmaqla Bakı şəhərində eləcə də Naxçıvan, Sumqayıt, Gəncə və Mingəçevir şəhərlərində Əmək və Əhalinin Sosial Müdafiəsi Nazirliyinin Məşğulluq Xidməti tərəfindən Əmək birjaları yaradılmışdır.
Birja əhalidən və ayrı-ayrı iş adamlarından təmir, tikinti, yaşıllaşdırma, bütün növ xidmət, eləcə də ev işləri və digər peşə və ixtisaslar üzrə müvəqqəti işçilərə olan istənilən tələbat haqqında sifarişləri qəbul edir, məlumat bankını yaradır, müvafiq peşə sahiblərini pulsuz olaraq işlə təmin edir.
Qeyd etmək istərdik ki, vergi orqanlarındakı vəzifə funksiyalarının yerinə yetirilməsi üçün tələb olunan müvafiq ixtisasa malik olan şəxslər vergi orqanlarına qəbul məqsədilə keçirilən müsabiqə vasitəsilə Vergilər Nazirliyinə də işə qəbul edilə bilər. Lakin son müsabiqənin may-iyun aylarında keçirildiyini nəzərə alaraq bildiririk ki, yaxın zamanlarda növbəti müsabiqənin keçirilməsi nəzərdə tutulmamışdır.
Əmək birjaları barədə əlavə məlumatın alınması üçün Dövlət Məşğulluq fondunun “Sual-Cavab” rubrikasına, vergi orqanlarına işə qəbulla əlaqədar əlavə məlumatın alınması üçün isə səhifəmizin “İşə qəbul. Müsabiqələr” bölməsinə müraciət etməyiniz tövsiyə olunur.

Terminlər lüğəti | Facebook | Twitter | Youtube

Şirin Hacıyev Şöhrət o., x-man1907@hotmail.com, Ağdaş
Salam. Vergilər Nazirliyinin işə qəbul imtahanı barədə mənə məlumat verə bilərdinizmi? Təxmini nə vaxt olacağı barədə və imtahana düşən sualla nə barədə olur? Əvvəlcədən minnətdarlığımı bildirirəm.

Bildiririk ki, Azərbaycan Respublikası Prezidentinin 15 aprel 2005-ci il tarixli 222 nömrəli Fərmanı ilə təsdiq edilmiş «Dövlət vergi orqanlarında işə qəbul olunmaq üçün namizədlərin müsabiqəsinin keçirilməsi haqqında Əsasnamə»nin müddəalarına uyğun olaraq dövlət vergi orqanlarında işə qəbul olunmaq istəyən hər bir namizəd vergi orqanların işə qəbulu müsabiqə yolu ilə həyata keçirilə bilər.
Müsabiqə iki mərhələdən, yəni test imtahanlarından və bu imtahanları müvəffəqiyyətlə keçmiş vətəndaşlarla keçirilən müsahibədən ibarətdir. Test imtahanları Azərbaycan Respublikasının müvafiq qanunvericiliyi ilə müəyyən edilmiş qaydada Azərbaycan Respublikasının Tələbə Qəbulu üzrə Dövlət Komissiyası (TQDK) tərəfindən, müsahibə mərhələsi isə Vergilər Nazirliyinin Müsabiqə Komissiyası tərəfindən keçirilir.
Yaranmış vakansiyalarla əlaqədar cari ilin may-iyun aylarında müsabiqə keçirildiyini nəzərə alaraq yaxın zamanlarda belə bir müsabiqənin keçirilməsi nəzərdə tutulmur.
Test imtahanları Azərbaycan Respublikasının Tələbə Qəbulu üzrə Dövlət Komissiyası (TQDK) tərəfindən keçirildiyindən, test suallarının əhatə etdiyi mövzular barədə aidiyyəti üzrə Tələbə Qəbulu Üzrə Dövlət Komissiyasına müraciət etməyiniz məqsədəmüvafiqdir.
Bununla belə qeyd edə bilərik ki, test imtahanı üçün tərtib edilmiş sualların 80-ı qanunvericiliyə, əsasən vergi qanunvericiliyinə, 10-u məntiqə və 10-u isə informatikaya (kompüter bilikləri) aiddir.
Əlavə olaraq nəzərinizə çatdırırıq ki, vergi biliklərinizin yoxlanılması üçün Vergilər Nazirliyinin rəsmi internet saytında (www.taxes.gov.az) yerləşdirilmiş «Vergi testi» bölməsindən yararlana bilərsiniz.

Terminlər lüğəti | Facebook | Twitter | Youtube