Bildiririk ki, Vergilər Nazirliyi tərəfindən vergi inzibatçılığının təkmilləşdirilməsi və vergi ödəyicilərinə göstərilən xidmətlərin keyfiyyətinin artırılması məqsədilə Bakı şəhəri Vergilər Departamentinin 1, 2 və 3 saylı Filialları ləğv edilmiş və onların əsasında həmin Departamentin Vergi borclarının məcburi alınması idarəsi, Bəyannamələrin qəbulu və işlənməsi idarəsi və Vergi ödəyicilərinə xidmət idarəsi yaradılmışdır.
Bu dəyişikliklərə uyğun olaraq Bakı şəhəri üzrə qeydiyyatda olan və bəyannamələrini kağız daşıyıcısında təqdim edən vergi ödəyiciləri öz bəyannamələrini Bakı şəhəri Vergilər Departamentinin AZ 1108, Binəqədi rayonu, Ziya Bünyadov prospekti, 15 ünvanında yerləşən Bəyannamələrin qəbulu və işlənməsi idarəsinə təqdim etməlidirlər.
Bundan başqa, vergi ödəyiciləri zərurət yarandıqda Vergi borclarının məcburi alınması idarəsinə (ünvanı: AZ 1065, Yasamal rayonu, Əli bəy Hüseynzadə, 84) və Vergi ödəyicilərinə xidmət idarəsinə (ünvanı: AZ 1096, Nizami rayonu, Şirin Mirzəyev, 32) də müraciət edə bilərlər.

Bununla yanaşı elan edirik ki, qeyri-kommersiya qurumlarının, fiziki şəxslərin uçotu və NKA-ların qeydiyyat yeri dəyişdirilməmişdir.